Deur die mense
De Goede Hoop Boerdery
Op 31 Mei 2022 het ‘n groot droom van ToekomsVonk waar geword. Ons het ons eerste stukkie grond gekoop! Vir sewe jaar het ons gebid en geglo God sal vir ons dit moontlik maak om hierdie droom te kan volbring.
Op 26 Junie 2022 het ons begin ontbos. Die grond was toegegroei en het geen heining gehad nie. Daar was glo 2 boorgate, maar niemand kon sê waar hulle was nie. In Junie 2022 het ons begin ontbos en die heining gespan. In die proses het ons op een van die boorgate afgekom en baie pret gehad om die boorgat met droeë ys oop te maak!
Teen Julie 2022 was ons gereed om op die plaas te begin woon en het met 'n spoed huisies en stoorplek gebou. Ons het ook teen Augustus beging plant en sommer vinnig het dinge anders begin lyk.
Teen Desember 2022 het ons groente begin oes en permanente inwoners op die plaas gehad. September se boomplantdag het sy eerste vrugte gelewer en ons kon uie, beet, peppers, pampoene en spinasie oes.
